Терористичкиот напад врз седиштето на турската воздушна индустрија ТУСАС во предградието на Анкара е настан што покренува важни прашања во Турција и надвор од нејзините граници.
Во последните 10 години, индустријата за оружје претставува значителен дел од турскиот буџет и е „камен-темелник“ на развојот на најсовременото оружје на Турција, кое претседателот Реџеп Таип Ердоган го спроведува со години релативен успех.
Турската воздушна индустрија во основа е центар за истражување и развој на високотехнолошки системи. Во нејзините капацитети, пак, има и важен дел од одржувањето на домашните системи за оружје, како и оддел за одржување на системи за оружје што се продаваат на трети земји.
Во последниве години во просториите и одделенијата на конкретниот центар се вработени повеќе од 15.000 специјализирани работници и научници.
Турските медиуми објавија дека воздушната индустрија во земјата апсорбира некои од најважните турски умови кои имаат докторски дипломи во областа на науката и развојот.
Воздухопловната индустрија е основана во 1973 година со цел да се намали зависноста на земјата од трети страни за воена опрема и да се намалат нејзините државни трошоци. Во 2005 година, Воздухопловната индустрија и Националната компанија за производство на авиони се споија во една организација во која вооружените сили на Турција имаат мнозински удел (54,49%).
Фактот дека токму овој центар на воената технологија беше цел на нападот може да се поврзе и со внатрешни и со надворешни „фактори“.
Да потсетиме дека во нападот загинаа пет лица, а турските власти за терористичкиот напад ја обвинија ППК, Работничката партија на Курдистан. Потоа, турското Министерство за одбрана објави дека гаѓало повеќе од 30 цели на ПКК во Иран и Сирија.
Се уште никој не ја презел одговорноста за нападот во Анкара.
