На телевизиска дебата за градоначалник на Сао Паоло во Бразил, настанал целосен хаос кога еден кандидат, ТВ-водителот Хозе Луис Датена (67), удрил со стол друг кандидат, контроверзниот инфлуенсер Пабло Маркал (37).
Инцидентот се случил откако Маркал рекол дека Датена не бил доволно храбар да го удри, како што претходно се заканувал.
Разбеснетиот Датен зел столче и го треснал Маркал по рамото, поради што бил исфрлен од дебатата.
Маркал отишол да побара лекарска помош поради набиеното ребро. Останатите кандидати, четворица, продолжиле со дебатата.
Инаку, Маркал во дебатата во 2019 година зборувал за пријавата за сексуален напад од страна на Датена.
Иако соработничката која ја поднела пријавата го повлекла обвинувањето, таа подоцна тврдела дека била принудена да молчи. Датена, исто така, тогаш се заканил дека ќе го удри Маркал, што и го направил сега.