Папата и неговата придружба пристигнаа во градот-држава во дводневна посета, која вклучува говор пред политичките власти и миса на Националниот стадион, за која Ватикан очекува дека ќе привлече околу 55.000 луѓе.
Папата ќе оствари и приватни средби со претседателот Тарман Шанмугаратнам, премиерот Лоренс Вонг и поранешниот премиер Ли Хсиен Лунг.
Папата отпатува од Дили, главниот град на Источен Тимор, каде што вчера служеше миса со околу 600.000 од вкупното население на земјата од 1,3 милиони.
Дванаесет-дневното патување на Франциск вклучуваше и кратки посети на Индонезија и Папуа Нова Гвинеја. /МИА
