Лидерот на Хезболах Хасан Насралах им се обрати на членовите на милитантната група и на либанските граѓани по серијата експлозии на пејџери и други електронски уреди за кои е обвинет Израел, нарекувајќи ги "преминување на црвените линии."
- Она што ме натера да зборувам денеска се настаните што се случија во изминатите два дена, а за тоа се потребни зборови, проценка и став. Она што се случи во последните неколку дена јасно бара од нас да заземеме став - рече Насрала на почетокот на својот говор.
Тој рече дека "израелскиот непријател" таргетирал многу пејџери и на тој начин "ги преминал сите црвени линии."
<b>„Ова е објава на војна!</b>
Тој додаде дека експлозиите "се случиле во болници и аптеки, во пазари, во продавници, во куќи, во автомобили и на улиците каде што имало многу цивили, жени и деца."
- Сведоци сме на голем масакр низ државата, масакр невиден. Израелците ги прекршиле сите правила на конфликтот – рече Насрала, нагласувајќи дека Израелците имале "намера да убијат 4.000 луѓе во еден миг."
