Триесет и пет деца загинаа утрово во стампедо на божиќниот пазар во југозападниот нигериски град Ибадан, додека шест деца се хоспитализирани, соопшти полицијата.
Организаторите ветиле дека ќе делат парични подароци и храна, но толку многу луѓе се појавиле што имаше огромна толпа додека луѓето се мачеле да влезат.
<b>Дошле повеќе од 5.000 деца</b>
Според Би-Би-Си, очевидци изјавиле дека на местото се собрале повеќе од 5.000 деца и дека толпата се формирала кога организаторите пристигнале да ги започнат демонстрациите. Точниот редослед на настани кои довеле до стампедо не е откриен.
Полицијата соопшти дека уапсила осум лица кои стојат зад настанот, меѓу кои и главниот организатор Наоми Силекунола, добро позната личност во градот.
Владата на државата Ојо соопшти дека жртвите се префрлени во болниците низ Ибадан по стампедото што се случи во областа Башорун во градот. Властите ги повикаа родителите кои не знаат каде се нивните деца да проверат во градските болници.
Лекарите во една болница изјавија за Би-Би-Си дека шест деца се хоспитализирани, но дека само две преживеале - четири починале. Во друга болница, лекар кој не сакаше да биде именуван рече дека изброил три мртви тела.
<b>Се надевале дека ќе добијат пари и храна</b>
Некои родители им кажале на новинарите дека ги однеле своите деца на божиќниот пазар уште во 5 часот утринава, пет часа пред почетокот на настанот. Тие се надевале дека ќе добијат пари и храна бидејќи организаторите ветиле дека ќе поделат по 5.000 наи (околу 3 долари) на 5.000 деца, како и ќе обезбедат бесплатна храна за учесниците.
Нигерија се бори со својата најлоша економска криза во една генерација, што објаснува зошто повеќе од 10.000 луѓе се појавиле на настанот. Оваа година имаше неколку слични инциденти.
Во март, две студентки беа прегазени до смрт во стампедо на државниот универзитет Насарава во близина на главниот град Абуџа, кога избувна хаос за време на настанот за дистрибуција на ориз организиран од гувернерот. Најмалку 23 лица беа повредени.
<b>Низа слични случаи</b>
Три дена подоцна во северната држава Баучи, најмалку седум лица загинаа во друго стампедо кога филантроп и бизнисмен делел пари. Претходно во февруари, пет лица беа пријавени како убиени во Лагос кога нигериската царинска служба на аукција ги ставила запленетите вреќи со ориз.
Стампедо поради вреќи со ориз кои беа на аукција за околу 7:00 долари резултираше со прегазени до смрт пет лица, а десетици повредени
