Ќерката на Лин, Алис Лин, потврди за Политико дека Стејт департментот вчера известил дека кинеските власти го ослободиле нејзиниот татко од затвор и дека тој денеска ќе слета во Сан Антонио, Тексас, пренесе Франс 24.
„Зборови не можат да ја искажат мојата радост, имаме многу време за надокнадување“, рече Алис Лин, која беше на пат да го пречека својот татко на аеродромот.
Лин е еден од тројцата американски државјани за кои Стејт департментот смета дека се незаконски затворени во Кина.
Времето на неговото ослободување, само неколку недели по средбите на американскиот советник за национална безбедност Џејк Саливан со кинескиот министер за надворешни работи Ванг Ји во Пекинг, сугерира дека посетата на Саливан била клучна за враќањето на Лин дома.
„Знам дека Џејк Саливан го започна случајот со татко ми“, рече Лин.
These US citizens have been unlawfully detained in #China for yrs:
— Hostage Aid Worldwide (@HostageAid) March 6, 2024
David Lin: since 2006
Mark Swidan: 4,131 days
Kai Li: 2,735 days
John Cao: 2,559 days@POTUS @StateSPEHA, after several meetings with the PRC, why hasn’t the #USG found out what it would take to release these… pic.twitter.com/Ha9DGgeKV1
Стејт департментот смета дека уште двајца Американци се неправедно затворени во Кина - Марк Свидан и Каи Ли.
