Повикот на францускиот претседател Емануел Макрон да се воведе ембарго за оружје на Израел е срамен, изјави израелскиот премиер Бенјамин Нетанјаху.
“Денес, Израел се брани на седум фронта од непријателите на цивилизацијата“, рече Нетанјаху, мислејќи на Газа, Либан, Западниот Брег, Јемен, Сирија, Ирак и Иран.
“Додека Израел се бори со силите на варварството предводени од Иран, сите цивилизирани земји треба цврсто да застанат покрај нас, но претседателот Макрон и другите западни лидери сега повикуваат на ембарго за оружје врз нас. Срам да им е“, рече Нетанјаху, пишува Тајмс оф Израел.
Тој посочи дека Иран не воведува ембарго за испорака на оружје на своите сојузници, додека земјите кои наводно се противат на таа терористичка оска бараат ембарго за испорака на оружје на Израел, што е голем срам.
-Израел ќе победи со или без нивна поддршка, а нивниот срам ќе трае долго откако ќе ја добиеме војната, рече Нетанјаху.
