На социјалната мрежа Х се објавени вознемирувачки слики од мртвото тело на убиениот лидер на Хамас Јахја Синвар, опкружен од израелски војници. Во прилог е една од фотографиите, но поради експлицитноста на неговите повреди, ја блуриравме.
Израелските власти потврдија дека тој е убиен во напади во градот Рафа во Газа, по споредување на неговите заби со досието кое го имаат за него од времето кога бил во израелски затвор.
Синвар беше централна фигура во Хамас со децении и се тврди дека е најклучната личност зад нападот од 7ми Октомври, во кој загинаа израелски цивили и по кој започна израелската офанзива во Газа.
Со смртта на Синвар се исполни ветувањето на израелските лидери минатата година, вклучително и министерот за одбрана Јоав Галант, кој се заколна дека ќе го убијат како одмазда за бранот убиства и заложници што го згрози Израел пред една година.