Доналд Трамп победи на претседателските избори во САД и повторно се најде во центарот на вниманието на јавноста. Во некои медиуми беа објавени написи за неговиот живот и за стекнатото богатство.
„Њујорк тајмс“ објави детално истражување што покажува како актуелниот американски претседател бил вклучен во „сомнителни даночни шеми“ во текот на 1990-тите, кои вклучиле дури и „случаи на директна измама“ што му помогнале да го зголеми богатството што го наследил од неговиот татко.
Иако Тајмс не можеше да ја прегледа неговата лична даночна евиденција, која тој одби сам да ја објави, поткопувајќи ја децениската практика на претседателските кандидати, тие велат дека прегледале „сметки на доверливи даночни пријави и финансиски записи“ кои покажале дека Трамп добил најмалку 413 милиони долари од детството до денес.
<b>ПРИКРИВАЊЕ ДАНОК</b>
„Тајмс“ пишува дека тој ги добил овие пари затоа што им помогнал на своите родители да избегнат да плаќаат даноци со тоа што основале лажни корпорации и помагајќи му на својот татко да заработи милиони преку несоодветни даночни одбивања.
Се чини, дека владината служба за внатрешни приходи (ИРС) не дава голем отпор на овие шеми. Објаснувајќи ја својата теза, тие пишуваат дека родителите на Трамп префрлиле повеќе од милијарда долари богатство на своите деца, сума што можела да генерира околу 550 милиони долари даночен приход. Наместо тоа, забележуваат, тој платил само околу 50 милиони долари данок.
Во изјава за Тајмс, неговиот адвокат Чарлс Хардер рекол дека извештајот е „100 проценти лажен и многу клеветнички“. Неговиот брат Роберт Трамп, исто така, испрати соопштение во кое нагласува дека „сите подароци биле поднесени со даноци на имот и биле платени сите потребни даноци“ по смртта на нивните родители.
„Имотот на нашиот татко беше затворен во 2001 година, а на нашата мајка во 2004 година од страна на Службата за внатрешни приходи и даночните институции“, објаснува тој.
<b>Според извештајот на Њујорк тајмс ова се клучните точки на богатењето на Трамп во текот на изминатите години:</b>
- Даночни експерти изјавија за Тајмс дека откритијата веројатно нема да резултираат со тоа Трамп да биде предмет на кривична постапка бидејќи сето тоа се случило многу одамна. Но, тој може да се соочи со граѓански казни.
- Тајмс прегледал повеќе од 100.000 страници со различни документи.
- На тригодишна возраст Трамп заработувал 200.000 долари годишно, а до осмиот роденден станал милионер.
- Набргу по дипломирањето, Трамп добивал околу 1 милион долари годишно од својот татко Фред Трамп.
- Сумата се зголемува на пет милиони годишно на возраст од 40 и 50 години.
- Фред Трамп им давал милиони на своите деца на структуриран начин преку подароци и наследства за да избегнат даноци. Експертите изјавија за Тајмс дека неговите методи се сомнителни и можеби дури и незаконски
- Кога Доналд Трамп и неговите браќа ја наследиле огромната империја на нивниот татко во 1997 година, тие избегнале да платат стотици милиони долари даноци со намалување на вредноста на нивните средства на околу 41 милион долари.
- Имотот потоа бил продаден за околу 16 пати поголема сума
- Во 1992 година, семејството Трамп го формирал она што Тајмс го опишува како компанија за „директна измама“ наречена „All County Building Supply & Maintenance“.
- Нејзината цел била да биде агент на купувачот за зградите на Фред Трамп, но тоа не испаднало така, пишува Тајмс.
- Наместо тоа, компанијата извлекувала милиони од империјата на Фред Трамп преку веќе направените набавки
- Тајмс пишува како пронашле 295 линии приходи што Фред Трамп ги создал во текот на 50 години за да го збогати својот син
- Во 2004 година Трамп ја продаде својата империја и од продажбата заработи 177,3 милиони долари.
- До 1990 година, Фред Трамп му префрлил на Доналд сума еднаква на денешни 46,2 милиони долари
- Ако Доналд Трамп не направел ништо со тие пари освен инвестирање, денес би бил „тежок“ 1,96 милијарди долари
- Доналд Трамп рекол дека татко му му позајмил милион долари, но Фред Трамп всушност му позајмил најмалку 60,7 милиони долари, т.е. 140 милиони во денешни долари, открива Тајмс.
