Да потсетиме, првично во медиумите се појавија информации дека при нападот загинал свештеник, но подоцна било утврдено дека е жив, но во многу лоша состојба, опасна по живот.
Исто така, двајца ранети монарси се во критична состојба во болница, додека другите се полесно повредени.
Нападот се случил во раните утрински часови во саботата, на 9 ноември, кога неименуван маж упаднал во имотот на христијански манастир и извикал „Јас сум Исус Христос“ додека го напаѓал свештенството.
Наводно, при нападот употребил стап и стаклено шише за да ги удри свештениците.
Според шпанските медиуми, станувало збор за маж (46) од шпанска националност кој моментално е во притвор во станицата Пуцол во Валенсија, пишува Ел Паис.
Откако се дознало за нападот, се огласи градоначалникот Салва Коста, кој го поминал викендот во манастирот за да разговара со монасите.
„Отидов да ги посетам, да ги видам, имам директен контакт со нив“, рече градоначалникот.
Овој инцидент се случи откако на крајот на октомври страшна бура ја погоди Валенсија и предизвика разорни поплави.
