Научниците веруваат дека конечно го откриле вистинското потекло на ковид пандемијата и ја отфрлија популарната теорија дека вирусот протекол од лабораторија!
Една голема меѓународна студија, објавена во четвртокот, вели дека вирусот „почнал да живее“ на влажен пазар во Вухан, Кина, и веројатно не бил дел од научен експеримент.
Научниците го тестираа генетскиот материјал на животни продадени на пазарот во 2019 година и открија траги од корона вирусот кај некои видови.
Тие истакнуваат дека ова е првпат научниците да „изолираат“ животни кои можеби се одговорни за пренесување на вирусот на луѓето.
„Ова додава уште еден слој на акумулираните докази што укажуваат на истото сценарио - дека заразените животни биле донесени на пазарот во средината до крајот на ноември 2019 година, предизвикувајќи ја пандемијата“, рекол авторот на студијата Кристијан Андерсен од Scripps Research.
Се верува дека кучето-ракун, животно налик на лисица, вообичаено во Источна Азија, е најголемиот носител на вирусот. Утврдено е дека и други животни, како што се цибетките, бамбус-стаорецот и малајското бодликаво прасе, го носеле Ковид-19 пред да се прошири на луѓето.
„Ова не е дефинитивен список, бидејќи многу клучни животински видови се отстранети од пазарот пред да пристигне кинескиот здравствен тим, рекла Флоренс Дебард од францускиот Национален центар за научни истражувања, која ја предводела студијата.
Научниците забележуваат дека многу од раните случаи во Вухан, град со 12 милиони жители, биле работници на пазарот.
Долго време се водеше полемика за изворот на пандемијата која однесе околу 7 милиони животи.
Една теорија е дека вирусот протекол од лабораторијата на Институтот за вирологија во Вухан. Теоријата привлече внимание откако директорот на ФБИ Кристофер Вреј рече дека бирото верува дека „Ковид-19 најверојатно потекнува од лабораторија контролирана од кинеските власти“, пишува Дејли мејл.
Американскиот претседател Џо Бајден не успеа да ја спречи приказната за протекување од лабораторија откако нареди истрага за теоријата.
По објавувањето на оваа најнова студија, научниците сега инсистираат на тоа дека пандемијата се создала на пазарот, како што првично беше објавено. Студијата е заснована на нова анализа на податоците објавени од кинескиот центар за контрола и превенција на болести (ЦДЦ).
Податоците беа собрани од повеќе од 800 примероци во и околу пазарот Хуанан на почетокот на јануари 2020 година, како и од генетски примероци од првите пациенти кои имаа ковид-19.
На 1 јануари 2020 година, откако животните беа отстранети и само неколку часа по затворањето на пазарот, иследниците од ЦДЦ во Кина отидоа на пазарот за да соберат примероци.
Земале примероци од подови, ѕидови и други површини и се вратиле неколку дена подоцна за да се фокусираат на површините во тезгите за продажба на диви животни, како што се кафези и колички што се користат за транспорт на животни.
Земале мостри и од одводи и канализацијата.
Експертите предупредуваат дека лекциите од пандемијата „Ковид-19“ не се научени, со можност повторно да бидеме погодени од пандемии предизвикани од трговијата со диви животни.
„Ова е најризичното нешто што можеме да го направиме, да земеме диви животни кои вријат од вируси, а потоа да си играме со оган доведувајќи ги во контакт со луѓе кои живеат во срцето на големите градови, чија густина на населеност им го олеснува ширењето на овие вируси“, рекол Мајкл Вороби од Универзитетот во Аризона, еден од авторите на студијата.
Други експерти се согласуваат. Коментирајќи одделно, професорот Џејмс Вуд, епидемиолог на Универзитетот во Кембриџ, кој не бил вклучен во студијата, рекол: „Иако на глобално ниво беа направени напори за заострување на лабораториската биосигурност за да се осигура дека вирусите не можат случајно да избегаат, малку или ништо не е ништо направено за да се ограничи трговијата со диви животни“.
