СЕ ОГЛАСИ СОПРУГАТА НА АСАНЖ: Сега најважно е...

Сопругата на основачот на Викиликс, Џулијан Асанж, Стела, денеска изјави дека е воодушевена што тој ќе биде ослободен по 14-годишна правна битка и пет години во затвор во Лондон и дека враќањето на здравјето на Асанж е приоритет.

Стела Асанж изјави за Би-Би-Си дека немала време да разговара што ќе прават двајцата кога тој ќе биде ослободен, но дека приоритет е да се врати здравјето на Асанж бидејќи тој бил во, како што таа опишала, „ужасна состојба“. пет години повторно да биде во контакт со природата и да има „свое време и приватност“ Стела Асанж побара помош од поддржувачите затоа што има намера да започне итен фонд за закрепнување на нејзиниот сопруг.

„Едноставно сум во екстаза“, рече Стела, говорејќи од Австралија, откако Асанж се согласи на договор за признавање вина, објави Ројтерс.

Стела истакна дека е речиси неверојатно утре Асанж да биде на слобода кога ќе потпише спогодба за признавање вина пред судот на Маријанските острови.

Стела Асанж денеска објави објава за ослободувањето на Асанж во претходно снимено видео во кое изрази уверување дека овој период од нивниот живот дошол до крајот, објави Скај њуз.

Во објавата на платформата X, таа им се заблагодари на поддржувачите на Асанж за нивната поддршка.

„Зборовите не можат да ја изразат нашата огромна благодарност до вас - да, вие, која со години и години се мобилизиравте за да го направите ова. Ви благодариме“, напиша Стела Асанж во објавата.

Во објавата на официјалниот профил на Викиликс, таа истакна дека за време на годините на затвор и прогон на нејзиниот сопруг, се формирало „неверојатно движење“ на луѓе од сите сфери на животот од целиот свет кои го поддржуваат не само Џулијан, туку и за што се залага, а тоа е вистината и правдата.