Таа итно била пренесена во кралската амбуланта во Единбург откако учениците ја собориле на земја, а потоа, подоцна во вечерните часови, претрпела „ужасно крварење и мачна болка“.
Нејзиниот сопруг вели дека момчињата ја нападнале додека чекала автобус на Хај Стрит во 18.20 часот минатиот петок.
Вознемирениот сопруг објави апел на социјалните мрежи по инцидентот во обид да им влезе во трага на момчињата.
Потоа, тој подоцна објави ажурирање во кое се наведува дека неговата сопруга доживеала спонтан абортус додека била во болница.
„Само сакам да ја ажурирам состојбата на мојата сопруга. Со тешко срце ја информирам заедницата дека мојата сопруга има спонтан абортус, загуба на бременост и се уште се наоѓа во болница и се опоравува. Ова е многу трауматично, срцепарателно и ужасно искуство за нас, особено јас и мојата сопруга апелираме до сите, доколку имате синови и ќерки, учете ги секојдневно и потсетувајте ги како да се однесуваат на јавни места“, напишал сопругот во новата објава, пишува Мирор.
Претходно, сопругот објави дека двајца средношколци во црни униформи, едниот во кратки панталони, другиот во панталони, околу 18 часот ја турнале бремената сопруга на автобуската станица.
„Таа им понуди да седат и беше добра со нив, но тие беа толку груби. Мојата сопруга беше повредена, таа беше лута и им кажа дека е бремена. Тие рекоа извини и побегнаа. Има ли камери за надзор во тој дел од градот? “, напиша тој првично на мрежите откако дозна за нападот.
Во саботата додаде дека жената имала силни болки и крвари, дека чекаат брза помош и дека сака да ја извади „правдата“ на виделина.
Меѓутоа, во вторникот се оствари она од што сите се плашеа - жената го загуби бебето.
„О, боже, тоа е толку страшно. Навистина се надевав дека ќе се подобри. Љубов до сите вас“, напиша еден корисник на социјалните мрежи.
„Жал ми е што го слушам ова, се надевам дека ќе платат кој и да го направил ова на вашата жена и бебе“, додаде друг.
Во полиција е пријавен случај на насилство и интензивно се работи на увидот.
