Бајден на брифингот во Белата куќа им рече на новинарите дека САД во моментов размислуваат за воведување санкции кон Иран, објави Ројтерс.
#WATCH | Washington, DC: On the Israel-Iran conflict, US President Joe Biden says, "The Israelis have not concluded how or what they're going to do in terms of a strike, that's under discussion. I think, if I were in their shoes, I'd be thinking about other alternatives than… pic.twitter.com/LCBfxPc2uO
— ANI (@ANI) October 4, 2024
Тој додаде дека тимовите на САД и Израел се во постојан контакт.
Вчера, Бајден, на новинарско прашање дали ќе го поддржи Израел да ги нападне нафтените резерви на Иран како знак на одмазда за масовниот ракетен напад врз Израел во вторникот, рече дека разговорите се во тек.
Тој претходно изјави дека не поддржува израелски напад врз иранските нуклеарни постројки.
Иран во вторникот лансираше повеќе од 180 ракети врз Израел, велејќи дека тоа е одмазда за убиствата на милитантните водачи, како и за агресијата во Газа и Либан.
Израелскиот премиер Бенјамин Нетанјаху вети дека Иран ќе плати за нападот.
