На повеќе Министерства и важни државни органи среде Скопје, македонското знаме воопшто го нема или е целосно уништено. И едното и другото и казниво по Закон, објави<a href="https://kanal5.com.mk/dali-konechno-pred-site-ministerstva-kje-bide-postaveno-makedonskoto-zname/a659848"> Канал 5 ТВ.</a>
Радев и неговиот популистички потег направи и една корисна работа. Ни отвори општествена дебата за почитувањето на знамето, анализира <a href="https://fb.watch/uGVf5DsejC/">К5 ТВ во опсежната репортажа на Александар Видиновски.</a>
И повторно доаѓаме да заклучокот наведува тој, дека - не можеме да бараме почит од никој, ако сами не се почитуваме.
<a href="https://kanal5.com.mk/dali-konechno-pred-site-ministerstva-kje-bide-postaveno-makedonskoto-zname/a659848">По прилог на Канал 5</a><font> </font>за македонското знаме Влада ќе реагира. Од Илинденска ја признаваат грешката со изоставувањето на државното знаме од објектите на повеќе Министерства. Велат тоа е наследена ситуација од минатата Влада и набрзо ќе биде корегирана.
„Согласно Законот, Владата и институциите се грижат за истакнување на националните симболи. Негрижата кон државното и националното како одлика на минатата власт и Влада, апсолутно остави огромен простор за работа којашто секако ќе биде надоместен. Секоја критика и прашање поврзано за истакнување на државните симболи согласно закон се добредојдени и ги сметаме како дел од подигнување на јавната свест за почитување на државното знаме“, одговорија од Владата за <a href="https://fb.watch/uGVf5DsejC/">К5</a>
За уништените знамиња кои распаднати се веат на важни државни институции, а со тоа и за кршењето на член 50 од Законот за знаме, од Обвинителството ни кажаа дека ти не се надлежни за санкционирање на овој прекршок и не упатија одговорите да го бараме во други институции.
Од МВР пак ветуваат дека ќе излезат на терен и ќе постапат по случаите на понижување на државното знаме.
-Ве известуваме дека од страна на Министерството за внатрешни работи ќе бидат преземени сите мерки со цел утврдување на фактичката состојба на терен и детектирање на вакви видови на прекршоци.
Прашање имаше и до опозициската СДСМ <a href="https://fb.watch/uGVf5DsejC/">од К5 </a> која има големи критики за македонската делегација зошто дозволила, како што велат, невидено понижување и погазување на достоинството на Македонија поради фотографијата без македонското знаме по средбата Сиљановска – Радев
“Дали пред неколку месеци додека бевте на Власт, државното знаме, како што предвидува Законот беше истакната на сите објекти на Министерствата?“
На ова прашање Од СДСМ кратко одговорија – Имаме нова Влада. Вистинското прашање сега е дали денес се почитува Законот за употребна на знамето.
Во вчерашниот прилог <a href="https://fb.watch/uGVf5DsejC/">Канал 5 ТВ констатира </a>дека на голем број Министерства и врвни државни објекти среде Скопје, го нема државното знаме. Останува да следиме дали како држава ќе успееме државните симболи да ги поставиме на сите Министерства и институции.
<b>Бугарија може да се угледа и да учи од Македонија</b>
И последниот годишен извештај на „Хјуман рајтс воч за <a href="https://novamakedonija.com.mk/makedonija/politika/bugarija-mozhe-da-se-ugleda-i-da-uchi-od-makedonija/">2022 година</a>“, како и на другите релевантни меѓународни тела, покажува дека Македонија не е меѓу земјите што прекршуваат нечии права, туку, напротив, правата на малцинствата ги издига на многу повисоко ниво од она што е практика во светот.
Сето ова претходно пред 2022 година е констатирано и во извештаите на Европската Унија, на Венецијанската комисија, на ОБСЕ, Советот на Европа и други тела, чиј генерален заклучок е дека во Македонија на највисоко ниво се почитуваат правата на сите малцински заедници.
Од друга страна, додека сите малцинства во земјава слободно можат да ја изразуваат својата волја и не се предмет на никаква дискриминација по каква било основа, македонското малцинство во Бугарија со децении се обидува да ги оствари минималните малцински права, но постојано наидува на пречки од бугарската држава, која во 21 век продолжува да негира постоење на какви било други етнички групи на нејзина територија.
Ако се направи само една компарација во односот кон малцинствата меѓу двете земји, втемелена врз факти, извештаи, резолуции и заклучоци, многу јасно ќе се увиди кој е тој што ги дискриминира малцинствата и му ги загрозува основните малцински права.
Прв и неоспорен факт, Бугарија е соочена со 17 пресуди од Судот за човекови права од Стразбур поради дискриминација на македонското малцинство, суд чија дејност е втемелена врз основа на Европската конвенција за човекови права и претставува коректив на почитувањето на човековите права на земјите-членки при Советот на Европа, каде што членуваат и Бугарија и Македонија. Од тие причини, дури и Советот на Европа се закани со исклучување на Бугарија од членство поради сериозни повреди на човековите права и основни слободи.
Венецијанската комисија излезе со мислење дека токму одредбите во бугарскиот устав се користат за да се спречат малцинските јазични, етнички или религиозни групи воопшто да се организираат. Венецијанската комисија со овој извештај само ја најавува потребата од менување на Уставот на Бугарија, при што се предупредуваат бугарските власти да ги земат предвид пресудите во полза на македонското малцинство.
И комесарката за човекови права при Советот на Европа, Дуња Мијатовиќ, пред извесно време констатира дека Бугарија одбива да ги регистрира Македонците во оваа земја.
Дури и Европскиот парламент забележа недостиг од демократски капацитет кај бугарските власти во насока на почитување на човековите права, а тоа беше преточено во резолуција, преку која се изразува длабоко жалење што развојот во Бугарија резултира со значително влошување на владеењето на правото, на демократијата и основните права.
Забелешки во врска со почитувањето на малцинските права во Бугарија стигнаа и од ОБСЕ, така што повеќе од јасно е дека сите тела за заштита на човековите и малцинските права редовно ја посочуваат во негативна конотација оваа земја во своите извештаи.
Од друга страна, Македонија во ниту еден извештај на кое било тело не е спомената дека прекршила нечии малцински права, туку, напротив, и ЕУ и Венецијанската комисија забележуваат дека земјава во повеќе наврати ги надминува и дополнително унапредува овие права. Оттука, се наметнува и дилемата за какво загрозување на малцинските права на наводните граѓани со бугарска самосвест во земјава говори Софија, кога ниту едно меѓународно тело не го регистрирало тоа.
– Бугарија има конкретни обврски според меѓународните стандарди во поглед на малцинските права што треба да ги исполни, па сега, за да побегне од тоа, прави замена на тези, односно бара Бугари во Македонија и тврди дека им се загрозени нивните права, а всушност меѓународната заедница им бара Македонци во Бугарија – вели Тони Менкиноски, адвокат, борец за човекови права и правен застапник на Македонците од Бугарија пред Судот за човекови права во Стразбур.
Според него, ситуацијата е повеќе од јасна со самиот факт што Македонците од Бугарија имаат добиено 17 пресуди за прекршување на нивните права од страна на бугарската држава.
– Овие прекршувања ги регистрира и Советот на Европа, како и Советот на министри – додава Менкиноски, притоа истакнувајќи дека Македонците ги остварија своите легитимни очекувања и права пред Европскиот суд за човекови права, Советот на Европа преку своите институции ги легитимира и афирмира правата на Македонците, остана само обврската на Бугарија да ги имплементира, а таа засега одбегнува да го направи тоа.
Извори: <a href="https://kanal5.com.mk/dali-konechno-pred-site-ministerstva-kje-bide-postaveno-makedonskoto-zname/a659848">К5, </a><mark class="cdx-marker" style=""><a href="https://novamakedonija.com.mk/makedonija/politika/bugarija-mozhe-da-se-ugleda-i-da-uchi-od-makedonija/">Хјуман рајст воч</a></mark>
