<span lang="MK" style="mso-ansi-language:MK">Јавното обвинителство
отворило предмет за лажната докторка во Гевгелија која без диплома и без
лиценца работела повеќе од седум години. <span style="mso-spacerun:yes"> </span>Минатата недела беше објавен скандалот за докторка
без завршен медицински факултет, добила државна специјализација по
анестезиологија и интензивно лекување, што значи дека специјалистичкиот стаж го
поминала во операционите сали во скопските клиники иако уште била само
недипломирана.</span>
<span lang="MK" style="mso-ansi-language:MK">Основното јавно
обвинителство Гевгелија денеска оформи предмет по допрен глас и презема
дејствија за проверки и обезбедување на докази, велат од Јавното обвинителство
за „<a href="https://www.slobodenpecat.mk/po-storijata-na-sloboden-pechat-obvinitelstvoto-otvori-predmet-za-doktorkata-od-gevgelija/">Слободен печат</a>“.</span>
<span lang="MK" style="mso-ansi-language:MK">Од 2016 година
била вработена во гевгелиската болница на работното место доктор на медицина,
без да има лиценца од Лекарската комора ниту пак завршен Медицински факултет, а
болницата ѝ исплаќала плата за општ лекар и надоместок за одвоен живот, а таа
немала завршено Медицински факултет, туку била вработена како „доктор“ за
фалсификати</span>
<span lang="MK" style="mso-ansi-language:MK"><a href="https://www.slobodenpecat.mk/doktorka-od-gevgelija-doktor-za-falsifikati/">Слободен печат </a>објави
дека повеќе од 7 години, оваа жена се претставувала како дипломирана докторка,
до степен и самата да си поверува на сопствената приказна, исто како што ѝ
поверувале и тие околу неа – болницата со Управниот одбор, комисијата за
специјализации, Министерството за здравство, Штипскиот Универзитет, Деканатот
на Медицинскиот факултет во Скопје. </span>
<span lang="MK" style="mso-ansi-language:MK"> Во
архивата на Штипскиот Универзитет, Болницата во Гевгелија испратила само
фотокопии од „документите“ за квалификациите на А.А. Такви, очигледно може да
се изработат и на домашен компјутер.</span>
<span lang="MK" style="mso-ansi-language:MK">Опасната игра
завршила со домино ефект со многу консеквенци, неодамна, односно на крајот на
летото. Тогаш целата професионална медицинска заедница, сите вработени во
Болницата Гевгелија, но и целиот град, почнуваат да шушкаат дека нешто
скандалозно не е во ред со специјализацијата на докторката. А.А. пак, почнува
да не оди на работа, а никој не знае со сигурност зошто, а уште помалку знаат
дека е отпуштена во канцеларијата на неодамна назначениот директор, доктор
Патрик Матх.</span>