Полициски службеници од Полициското одделение Теарце ноќва во 03:20 часот во с. Доброште, Тетовско, го лишиле од слобода Г.Ц.(52) од с.Мала Речица, Тетовско, кој бил пријавен од друго лице дека го слушнал како пред неговата куќа разговара со трето лице и се договараат да му постават експлозивна направа во куќата.
Како што соопшти СВР Тетово, околу 10:15 часот покрај локалниот пат во близина на куќата на пријавителот, полициски службеници пронашле две неексплодирани рачни бомби, кои биле безбедно подигнати.
Г.Ц. е задржан во полициска станица за понатамошна постапка и против него ќе следува соодветен поднесок.