Наместо да се покријат и ќутат поради состојбата во здравството предизвикана од заедничкото владеење на СДС и ДУИ, од партијата на бегалецот Артан Груби бараат оставка од инистерот за здравство Арбен Таравари бидејќи, како што велат, “е зголемен бројот на починати бебиња во Детската клиника, a менаџментот го слави крајот на годината.”
Во прилог соопштението на ДУИ:
„Во време кога на насловните страници на вестите се пишува за трагичната смрт на 20 деца за само шест месеци на Детската клиника во Скопје, менаџментот на оваа клиника избира да објави фотографии од прославите на крајот на годината платени со буџет средства, прогласувајќи ја годината за „успешна“. Ова е тежок удар за семејствата кои ги загубија своите деца и за граѓаните кои очекуваат чувствителност и одговорност од здравствените институции. Но, скандалот не завршува тука. Министерот за здравство наместо да преземе конкретни чекори за справување со оваа криза, се впушти во партиски маневрирања која партија ќе доминира во Влен. Оваа комбинација на неодговорност и рамнодушност е неприфатлива. Време е за оставка, за сериозни истраги и за враќање на одговорноста во нашиот здравствен систем“, тврдат од ДУИ.
Изгледа ги заборавиле скандалите на онкологија, токсикологија, или пак горењето на модуларната болница во Тетово...
