<span lang="MK" style="mso-ansi-language:MK">Пред 38 години,
на 18 септември 1986 година, членови на Црвена Јабука доживеале тешка
сообраќајна несреќа во Јабланица. Тие патувале на концерт во Мостар.</span>
<span lang="MK" style="mso-ansi-language:MK">Басистот на
групата Аљоша Буха починал на самото место, додека фронтменот и еден од
основачите на групата Дражен Ричл (познат како Зијо и Пара) бил тешко повреден.
Починал во болница на 1 октомври истата година. </span>
<span lang="MK" style="mso-ansi-language:MK">Нивниот концерт
на стадионот Кантаревац во Мостар се најавувал долго време и требало да го
означи почетокот на амбициозната турнеја на младиот бенд.</span>
<span lang="MK" style="mso-ansi-language:MK">Тргнале со три
автомобили попладнето од Сараево, како и мало камионче со инструменти кон
Мостар. </span>
<span lang="MK" style="mso-ansi-language:MK">Во „Фичо“ биле
бас гитаристот Аљоша Буха, солистот Дражен Ричл Зијо и возачот Златко
Арсланагиќ. Во „Голф“ зад нив возеле Дражен Жериќ и Дарко Јелчиќ. </span>
<span lang="MK" style="mso-ansi-language:MK">Веднаш зад
Јабланица, на патот за Мостар, Жериќ и Јелчиќ, како и претставници на „Атлас“
од Зеница, организаторот на турата, во „Застава 1500“, наишле на поголема група
луѓе собрана околу здробено „Фичо“. Немаале време да обрнат многу внимание
бидејќи брзале на концертот, за жал, во тоа „Фичо“ имало нивни колеги.</span>
<span lang="MK" style="mso-ansi-language:MK">Излетале во остра
кривина, свртеле налево и со силен удар се судриле со камион. На местото на
несреќата кај Јабланица во 2009 година е поставена комеморативна плоча. Дражен
Жериќ Жера своевремено за „Ин Магазин“ проговори за несреќата.</span>
<span lang="MK" style="mso-ansi-language:MK">„Тежок ден
беше... Веќе бевме на стадионот во Мостар, беше полн, полицијата дојде дури во
8 и пол навечер. Трогателна сцената, на стадионот беше молк, исклучија музика и
додека тргнавме кон болницата во Мостар, така почна целата гужва со нас. Пред
болницата имаше три, четири илјади луѓе“, рече тој.</span>
