По повод неодамнешниот роденден Германката ги почести своите следачи со видео каде таа носи бикини!
Клаудија Шифер е една од најпознатите манекенки во историјата на модата. Со својот негуван изглед продолжува да го воодушевува светот и на свои 54 години. Иако поминаа повеќе од три децении откако стана заштитно лице на модните писти, славната Германка сè уште зрачи со свежина и убавина, а нејзините следбеници на социјалните мрежи редовно го коментираат нејзиниот неверојатен изглед.
Клаудија несебично ги споделува деталите од својата секојдневна рутина за нега. За неа, како што тврди, нема големи тајни, туку се потпира на едноставни и доследни методи кои вклучуваат секојдневно нанесување крема, серуми и масла за лице. Покрај тоа, таа редовно применува масажа на лицето, пие многу вода и билни чаеви и тренира три пати неделно, фокусирајќи се на аеробик и пилатес.
Таа по повод својот неодамнешен роденден се присети на моментите со познатиот моден дизајнер Карл Лагерфелд, како и на начинот на кој ја барал.
Иако многумина нејзиниот изглед го припишуваат на генетиката, Шифер истакнува дека внимателното избирање на исхраната е клучен дел од нејзиниот животен стил.
-Не сум од оние среќни девојки кои можат да јадат што сакаат без последици. Затоа морам да размислувам за исхраната – изјави Клаудија во едно од нејзините интервјуа.
Таа применува три оброци дневно, избегнува грицки, кофеин и алкохол, а денот го започнува со овошје кое брзо се вари и помага во детоксикација на организмот. Порано практикувала построга диета од 1.200 калории дневно, која ја држела по пет дена за да ослаби три килограми, но нагласила дека секоја диета треба да се спроведува само по консултација со лекар.
Еден од нејзините трикови, што го сподели со својата колешка Синди Крафорд, е дека престанува да јаде кога храната ѝ е највкусна, а со тоа избегнува прејадување и одржува стабилно ниво на енергија во текот на денот. Исто така, за да ја заштити кожата од оштетување, Клаудија никогаш не излегува без очила за сонце, а особено внимава на негата на косата, користејќи производи кои го спречуваат сушењето при честите посети на фризер.
По повод прославата на својот 54-ти роденден во Грција, Клаудија неодамна објави видео на кое гордо позира во бело бикини, покажувајќи ја својата фигура на која би ѝ позавиделе многу помлади колешки.
Извор: srecna.republika.rs
