Актерот Моамер Касумовиќ од Босна и Херцеговина е осуден на една година затвор за кривично дело блуд над малолетно лице, потврдија за Н1 од Обвинителството на кантонот Сараево.
„Врз основа на евиденцијата на Обвинителството на КС, ве известуваме дека против наведеното лице е поведена постапка за кривичното дело блуд, која конечно е завршена пред Општинскиот суд во Сараево. Тој беше прогласен за виновен и осуден на затворска казна од една година“, изјави за N1 Обвинителството на кантонот Сараево.
Како што пренесува порталот „Рапорт“, сè стана познато на 16 септември по изведбата на белградскиот народен театар „Тихо, тише“, која беше изведена во рамките на 6. Сараево фест во Сараевскиот народен театар. Претставата зборува за врсничко насилство, а по изведбата се организираа дискусии со публиката.
Според информациите, тогаш еден млад човек од публиката се огласил и рекол дека бил жртва на педофилија кога имал 14 години, а дека сторителот бил познат актер. На прашањето за кого се работи, младиот човек одговорил - Моамер Касумовиќ (43).
Младичот во шокантното признание во Народниот театар рече дека целиот случај има судски епилог и дека е донесена судска пресуда.
Касумовиќ е познат актер кој има глумено во бројни претстави и ТВ серии, а на пошироката публика во регионот и е познат по улогата на Дамир Фазлиновиќ во хит серијата „Луд, збунет, нормален“.
Блудот се случил во 2021 година, а потоа следувала пријава и судски процес кој резултирал со пресуда.
Raport неофицијално дознава дека актерот ја откупил затворската казна. Имено, според законите во Босна и Херцеговина, може да се откупи и до една година затвор, каде еден ден чини 100 конвертибилни марки.