Јелена Карлеуша рано утринава изјави дека потпишала заеднички
развод по 16 години. Таа го потпишала овој документ во друштво на нејзиниот
адвокат Милан Атељевиќ и овластениот адвокат на Душко Тошиќ.
Душко не се појавил.
„Потпишав заеднички развод по 16 години. Сама. Наспроти мене
на сликата се мојот адвокат Милан Атељевиќ и овластениот адвокат на мојот
поранешен сопруг кој не дојде. Не прашав зошто", рекла Јелена.
Парот се венча во 2008 година во хотел во Ковилов, а на
нивната свадбена прослава присуствуваа голем број познати личности. Парот потоа
ја доби ќерката Атина во септември 2008 година, а потоа и помладата ќерка Ника.
Јелена Карлеуша и Душко Тошиќ на крајот на 2018 година
купија вила на Дедиње која му припаѓаше на Драган Стојковиќ Пикси. Се проценува
дека вредноста на вилата е околу 2,5 милиони евра, а вилата и припаѓа исклучиво
на Јелена, која го исплатила најголемиот дел.
Куќата се наоѓа во елегантен дел на Дедиње, има голем двор,
четири големи бањи, соби со тераса, а зад куќата има голем базен каде пејачката
ги поминува летните денови.
Покрај тоа, поседуваат и дуплекс на Дедиње каде живееле
заедно со години, како и уште еден стан на територијата на општина Савски Венац.
Тие имоти ќе одат кај децата.
Душко Тошиќ во кариерата заработил меѓу 13 и 18 милиони
долари, а Јелена Карлеуша е една од најголемите пејачки ѕвезди на Балканот.
Нејзината заработка не е јавно објавена. Таа најави како ќе го подели имотот.
„Поради разни медиумски и социјални шпекулации, ќе додадам
дека целиот заеднички имот (стекнат во брак) оди на нашите деца Атина и Ника.
Јас сум чувар на нашите деца“, изјави Јелена Карлеуша. „Другата страна“ немаше
поинаков предлог.
Веста дека Душко се разведува од Јелена многу ја погоди
мајката на Тошиќ, Николета.
- Мајката на Тошиќ многу страдаше поради нивниот развод. Сè
уште ја сака Јелена, која кон неа секогаш била грижлива и нежна. Таа на свет ги
донесе двете златни внуки и е многу благодарна за тоа. Николета знае колку е
посветена мајка Јелена и затоа нивните кавги и самиот развод силно ја погодија.
Се обидела прво да расудува со синот, но сфатила дека не може и дека тој ја
турка својата приказна. Кога видела дека не можат да се договорат и се јавила
на Јелена и ја замолила да ја фрли топката и да се обиде на убав начин да се
договори со Душка за се - објави Стар.