Актерот (61) и манекенката Јулија Власова (28) се „лежерен пар“, изјавил за „Пипл“ извор, појаснувајќи дека во врската се уште не го користат терминот „дечко-девојка“.
- Се гледаат ваму-таму - додава изворот.
Деп и Власова биле фатени заедно на неколку фотографии направени и објавени од Дејли Мејл, а некои од нив се избришани. Во една објава, Власова го нарече Деп „неверојатно талентиран и инспиративен“.
Деп претходно беше во брак со Лори Ен Алисон во 80-тите, а подоцна и со поранешната сопруга Амбер Херд.
По судењето за клевета во Вирџинија против Херд (38), Деп се забавуваше со Џоел Рич, адвокатката која го застапуваше во неговата претходна тужба за клевета во Британија. Извор тогаш рече дека нивната врска е „несериозна“, пред да биде потврдено дека ќе се разделат во ноември 2022 година.
Во мај, инсајдер изјави за People дека Деп „многу повеќе му дава приоритет на своето здравје и благосостојба“ додека живее во Лондон.
- Има многу енергија, а се опкружува со добра група луѓе. Тој е фокусиран да оди напред. Останува зафатен. Има многу добри пријатели, така што нема толку време да се потсети на тој мрачен период. Имаше објавување на старото и лансирање во ова ново поглавје. Се чувствува подобро за тоа каде е во животот.
Инсајдерот потоа додаде дека Деп во моментов не истражува никакви романтични патишта бидејќи е „навистина премногу зафатен“, па „нема време за тоа во моментов“.
Дали неговото срце целосно ќе го освои оваа прекрасна русокоса ќе покаже времето.
Високата и витка русокоса се запозна со поранешната ѕвезда од франшизите „Пиратите од Карибите“ и „Фантастични ѕверови“ во август 2021 година, на Меѓународниот филмски фестивал во Карлови Вари. Познато е дека манекенката и Деп се дружеа во јули 2022 година на концертот на неговиот покоен пријател Џеф Бек во Прага, каде манекенката го отвори својот салон за убавина.
Британските медиуми пишуваат дека таа пораснала во руска провинција, во гратчето познато по рудниците за бакар, Полевска, на 50 километри од Екатеринбург. Таму живее нејзината мајка Галина и досега успешно се спротивставуваше на обидите на локалните руски медиуми да дадат изјава за романсата на нејзината сакана со Деп. Таткото на Јулија, Александар, служел во советската армија и е четири години помлад од холивудскиот актер, но благодарение на неговата објава со која се пофали на социјалните мрежи, откриено е дека Јулија студирала, а се верува дека дипломирала на елитниот Институт за меѓународни односи во Москва (МГИМО).
Манекенката студирала и на Универзитетот во Западна Бохемија во Пилсен, а потоа се вработила во чешка компанија, отворила сопствен салон за убавина и успеала да стане инфлуенсерка. Во создавањето на манекенска кариера ѝ помогнало тоа што била финалистка на меѓународниот натпревар Мис Офис, што се одржа во Москва во 2021 година.
Џулија е само три години постара од ќерката на Деп, Лили Роуз.
