Таа е снимена во бањата додека го промовира својот козметички бренд, а она што сите го забележаа е луксузниот туш во позадина.
За него пишуваа и странски медиуми. Според Дејли Мејл, актерката во бањата има туш со пареа, за што би било неопходно да се издвојат 25 илјади долари. Тушот е целосно затворен за да ја задржува пареата и има вграден простор за седење.
Ова не е првпат нејзините обожаватели да видат дел од нејзиниот луксуз. На интернет повторно почна да се шири нејзиното видео од 2022 година, во кое покрај скапиот туш во бањата, може да се види и ориентален тепих на подот.
За потсетување, Џенифер го купила својот дом во 2018 година и наводно платила 21 милион долари за него. Вилата се простира на речиси 800 метри квадратни и има четири спални соби, шест бањи, винарска визба, базен и куќа за гости.
Во едно од нејзините видеа можете да видите пространа дневна соба, во која доминира телевизор поставен на ѕидот над каминот. Собата е опремена со впечатливи парчиња, а поврзана е со тераса со поглед на Лос Анџелес.
