Неговиот настап се очекува да биде врв на вечерта на која ќе настапат познати личности од целиот свет.
Бибер е снимен во Мумбаи каде го привлече вниманието на минувачите и папараците. За пристигнувањето во Индија избра необична модна комбинација – широка розова маичка и црвена капа.
Свадбата на 29-годишниот Анант Амбани со неговата сакана од детството Радика Мерчант треба да се одржи на 12 јули. Пред самата церемонија, најбогатиот човек во Азија, Мукеш Амбани, по повод венчавката на неговиот син Анант, правеше разни забави за своите гости.
Најпрво организираа повеќедневна прослава во март, каде пееше Ријана, а настапи и американскиот магионичар Дејвид Блејн. На забавата присуствуваа многу милијардери.
Rihanna was paid 50+ crore and still can’t pronounce their names correctly
— Vineeth K (@DealsDhamaka) March 2, 2024
Some people expect fluent English for BPO jobs paying 8-12K/month #AnantRadhikaCelebration pic.twitter.com/LWz9fBn52F
Потоа, во мај, дојде редот на четиридневното луксузно крстарење. Според извештаите на индиските медиуми, свеченоста започнала со ручек за гостите кои се качиле на луксузниот брод за крстарење на 29 мај, кој тргнал на 4.380 километри долго патување од италијанскиот град Палермо до јужна Франција и назад, а иамло и гала вечера, организирана со тема „Ѕвездена ноќ“, во која учествувале Бекстрит Бојс.
Мукеш Амбани е најбогатиот човек во Азија и познат нафтен и телекомуникациски тајкун. Пред шест години, Мукеш ја омажи својата ќерка Иша со екстравагантна свадба. За неа пееше Бијонсе, а дочекот беше организиран на италијанското езеро Комо, но подоцна и во Мумбаи и Раџастан.
