Бритни Спирс објави бизарно видео на Инстаграм во кое ги извести следбениците дека повторно се омажила - за себе. Во видеото, пејачката носи бела венчаница и вел и вели дека ова е „најбрилијантното нешто“ што некогаш го направила.
„Денот кога се омажив за себе. Можеби ова на другите им изгледа срамно или глупаво, но мислам дека тоа е најбрилијантното нешто што сум го направила“, рече таа.
После тоа, таа објави ново видео во кое позира во бел фустан и им откри на фановите дека патува на Туркс и Каикос, најверојатно на меден месец, но не сакаше да сподели детали и ги исклучи коментарите на двете видеа.
Да потсетиме, Бритни зад себе има три пропаднати брака. Таа се омажи за Џејсон Александар во 2004 година, а 55 часа по венчавката го поништија бракот. Истата година се омажила за Кевин Федерлајн, со кој има две деца, а три години подоцна се разделиле. Минатата година се разведе од Сем Асгари, со кого се омажи во јуни 2022 година, по пет години врска.
