Колумбиската музичка сензација Шакира неодамна во Мајами одлучи да сними спот за новата песна „Солтера“ со бразилската суперсензација Анита.
Меѓутоа, за време на снимањето на сцената во која огнената Колумбијка танцува на подиумот, Шакира доживеала непријатна ситуација на нарушување на приватноста поради што автоматски го прекинала снимањето и ја напуштила сцената.
Имено, некој од публиката постојано се обидувал да ја фотографира и сними под фустанот, иако таа истакнала дека тоа и пречи, велат очевидци на социјалните мрежи.
Поради ова Шакира била принудена да ја напушти сцената, судејќи по видеото кое се шири на социјалната мрежа Х, т.е. поранешниот Твитер.
„Шакира не може да ужива во сопствената песна и танц“, „Не се луѓе тоа се мажи“, „Кој го направил ова нека биде уапсен за сексуално вознемирување“, „Затоа бирам мечка!“, „Чувствувам вознемиреност откако го гледам ова можам да замислам како се чувствува“... се дел од коментарите.
Шакира неодамна се пресели во Мајами, откако таа и нејзиниот поранешен сопруг Пике потпишаа договор за старателство над синовите Саша и Милан. Турбуленциите започнаа откако се дозна дека фудбалерот ја изневерува пејачката со Клара Чиа Марти.
