Неодамнешното видео што Кејт Мидлтон го објави за да ја информира јавноста дека завршила со хемотерапија и е фокусирана на целосно закрепнување од ракот, предизвика сосема спротивен ефект од она што сакале да го постигнат британските монарси. Присилното претставување на семејната среќа, како што многумина ја опишаа содржината на видеото, се чинеше дека сигнализираше дека нешто големо не е во ред во бракот на принцот и принцезата од Велс, но дека заради позитивна слика во светот тие мораа да ја „одглуми“ идилата на брачната заедница.
Изнесени се многу теории, многу нагаѓања, многу неосновани претпоставки, а „новиот изглед“ на принцот Вилијам служи како потврда за многу сомнителни опсервации, со оглед на тоа дека е толку слаб, изгледа како да го „изеле“ проблемите. Еден од најголемите, како што се повеќе се шпекулира, е неговата врска со Џејсон Кнауф, поранешен извршен директор на фондацијата и пријател на принцот и принцезата од Велс, како и поранешниот секретар за односи со јавноста на Хари и Меган, кој во средината на скандалот со нивното заминување во Америка, војвотката од Сасекс ја обвини за малтретирање.
Последователно, тој беше одликуван со престижниот поручник на кралскиот викторијански орден од принцот од Велс и токму Вилијам му го врачи медалот на церемонијата во Виндзор.
Џејсон, како што пишува „Graziadaily.co.uk“, е оженет, но не се знае кој е неговиот сопруг, со оглед на тоа дека поранешната десна рака на кралското семејство својот приватен живот го држи крајно во тајност, а се знае само дека неговиот избраник живее и работи во странство.
Фотографиите од папараци, кои беа направени минатиот март за време на неговото кратко патување во Варшава, исто така придонесуваат за гласините за истополовите преференции на Вилијам.
Имено, најблиските соработници на принцот Вилијам решиле да резервираат маса во популарен ресторан, кој на интернет е многу добро познат како „простор за хомосексуалци“.
Многу мажи со ентузијазам го фотографирале принцот, кој делувал прилично опуштено, му приоѓале и се фотографирале со него, а сето тоа изгледало како тој да ужива.
