<span style="color: rgb(10, 10, 10); font-family: "Open Sans", sans-serif; font-size: 17.6px;"><b>Православните христијани во земјава денеска го слават Рождество на Пресвета Богородица, празник познат како Мала Богородица. Во сите храмови на Македонската Православна црква изутринава се одржуваат литургии.</b></span>
Денеска е еден од поголемите празници, таканаречениот празник на жените, Мала Богородица. Овој празник народот го празнува со живописни обичаи, најмногу посветени на раѓањето.
Исто така, многу луѓе планираат и организираат венчавки на денот на Пресвета Богородица, бидејќи таа, според традицијата, на овој ден им дава посебен благослов на младенците, свршениците и венчаните.
Во земјоделството Богородица го одбележувала времето кога започнуваорањето и сеидбата на зимските култури. Во тоа време се организирале и разни сточарски фестивали.
Се верува дека билките собрани помеѓу Голема и Мала Богородица имаат посебни лековити својства и дека јајцата од тој период можат да останат свежи во текот на целата година, па се оставаат за садење; пилињата што ќе се изведат овие денови ќе носат многу јајца.
Се верува дека ако на овој празник е ведро, без облаци и ако сонцето е видливо поголем дел од денот, есента и зимата ќе бидат благи.