Поранешниот американски претседател Џими Картер, кој рече дека сака да живее доволно долго за да гласа за Камала Харис, денеска го даде својот глас по пошта, 15 дена откако го прослави својот 100-ти роденден.
Поранешниот демократски политичар ја искористи можноста да гласа предвреме во неговата родна држава Џорџија. Ги постигна двете цели
Неговиот внук изјави за „Atlanta Journal-Constitution“ дека Картер му се доверил на семејството дека му е поважно да биде жив да гласа на претседателските избори оваа година отколку да живее до 100 години. На крајот ги постигна двете цели.
Раното гласање во Џорџија започна во вторник со рекорден одзив на првиот ден, според изборните претставници.
Картер го прослави својот 100-ти роденден на 1 октомври. Пред околу година и половина, тој ја прекина медицинската терапија по неколку престои во болница и премина во хосписна грижа.
