Полицијата во Бедфордшир во раните утрински часови на 11 октомври добила налог за апсење, но тие не очекувале ваков пресврт на настаните.
Влегле во куќата на осомничениот и ги пребарале сите соби, но немало трага од него. Било јасно дека некаде се крие, па почнале да го бараат на „најневеројатните места“.
Епилогот го снимиле со камера, јавно го објавиле и мораме да признаеме дека е урнебесен. Имено, бараниот Британец се криел, ни помалку ни повеќе, туку во кауч!
Кога го превртеле парчето мебел, забележале процеп, а човекот во долна облека бил склупчен - надевајќи се дека никој нема да забележи, пренесува LadBible.
„Сме виделе секакви работи, но вакво нешто е првпат. По детален претрес, осомничениот беше пронајден како се крие во подножјето на каучот“, соопштија надлежните.
Полицајците го заматиле видеото за да го заштитат идентитетот на уапсениот. Тој е задржан во притвор, додека деталите за акцијата не се соопштуваат од „оперативни причини“.