Европското фудбалско првенство е во тек, а се чини дека фудбалската манија владее ширум светот. Судејќи по видеото направено пред две недели во Чиле, фудбалот во моментов го има приматот над многу настани во светот.
На видеото се гледа ожалостеното семејство кое тој ден го одложило погребот заради натпреварот на репрезентацијата на Копа Америка против Перу.
Семејството и пријателите го следеле натпреварот од првото коло во собата со починатиот и покрај отворениот ковчег, што шокираше многумина.
Сепак, семејството истакнало дека починатиот бил страстен фудбалски вљубеник и аматер на Клуб Кондорито ФК. И дека тоа е нивниот начин да му оддадат чест.
Од друга страна, на социјалните мрежи не реагирале добро на ова видео и многумина истакнале дека тоа е скандалозно однесување.
Дали публиката ќе славеше со починатиот ако Чиле постигнеше гол, никогаш нема да дознаеме, бидејќи натпреварот заврши 0-0.