Тој со години се занимава со параглајдерство, па решил својата вештина да ја искористи за необичен подвиг.
Монтини избрал планински врв од 2.400 метри, а својата неверојатна авантура ја снимил на камера.
„Параглајдирам 19 години, скокнам со падобран 14 години, а летам со змеј девет години. Овие активности ми помогнаа да го совладам „летањето“ на тепих“, рече тој.
Тој додава дека се прашувал дали се вистинити митовите и легендите кои ги слушал како дете, пренесува Daily Star.
Монтини истакнува дека бил безбеден благодарение на долгогодишното искуство и сигурниот падобран.
„Тој беше мојата „заштитна мрежа“. Ако нешто тргнеше наопаку, ќе го пуштев тепихот и ќе го отворев падобранот“.
Тој признава дека „летечкиот тепих“ не е како оној од приказната за Аладин, туку дека се остварил како детски сон.
„Сакав да ѝ пркосам на реалноста и тоа го направив“, заклучил тој.
Гледачите останаа без зборови, а многумина веруваат дека се работи за неверојатен, но опасен експеримент.
