Просечната месечна исплатена нето-плата по вработен, во јули
годинава изнесувала 40.961 денар и е за 12,9% повисока од истиот месец лани но
е пониска за 2,3 % во однос на јунската плата годинава, соопшти Државниот завод
за статистика.
Реалниот пораст на нето-платата јули 2024 – јули 2023 година
изнесува 9,6%
Зголемувањето на просечната нето-платата во однос на
ланскиот јули<span style="mso-spacerun:yes"> </span>се должи, пред сѐ, на
зголемувањето на просечната месечна исплатена нето-плата по вработен во
секторите: oбразование (19,1 %), финансиски дејности и дејности на осигурување
(18,6 %) и јавна управа и одбрана; задолжително социјално осигурување (16,7 %).
<span lang="MK" style="mso-ansi-language:MK"></span>
<span lang="MK" style="mso-ansi-language:MK">П</span>одатоците
на статистика покажуваат дека нето-платата во јули во однос на јуни годинава се
намалила за 978 денари или за 2,3%.<span style="mso-spacerun:yes"> </span>Во
јуни просечната нето- плата изнесуваше 41.939 денари.
Месечното намалување на просечната нето-плата главно е
поради намалување на просечната месечна исплатена нето-плата по вработен во
секторите: финансиски дејности и дејности на осигурување (9,9 %),
административни и помошни услужни дејности (5,6 %) и трговија на големо и
трговија на мало; поправка на моторни возила и мотоцикли (5,4 %).
Просечната месечна исплатена бруто-плата по вработен, пак,
во јули изнесувала 61,569 денари и во однос на јули 2023 година е повисока за
3,1 %.