Крем за сончање, шешир, крпа... И оцет. Токму така, доколку летувате во Хрватска, задолжително понесете го со себе на плажа. Иако на многумина им звучи смешно, проблемот со кој се бори овој туристички рај е доста сериозен, а сè укажува дека во иднина само ќе се влошува. Зошто да понесете оцет на хрватска плажа?
Поради својата клима, прекрасниот брег и топлите води во Јадранското Море, Хрватска е една од омилените дестинации на туристите од целиот свет, но најголемата предност на земјата наскоро би можела да се претвори во нејзина најголема маана. И иако последиците од оваа промена нема да претставуваат закана за здравјето или животот, тие можат да бидат многу болни.
На хрватското приморје летово се забележани рекордни температури на водата. Јадранското Море достигна речиси 30 степени Целзиусови. Потоплата вода станува идеално место за живеење на медузите, а секоја година ги има се повеќе и повеќе во хрватските води. Зголемениот број на медузи долж брегот на Хрватска е проблем бидејќи влијае на целиот екосистем на локалните води. И тоа не е се, повеќе медузи значи и поголема шанса за изгореници, а, за жал, туристите се почесто доживуваат болни средби со овој морски предатор.
Изгорениците кај луѓето се јавуваат како резултат на контакт со долгите боцки, кои медузата ги користи за лов и одбрана. Нивното проѕирно тело едвај се гледа во водата, па како што пристигнуваат медузите, станува се потешко да се избега од нив. Изгорениците обично се случуваат случајно, а убодите од медуза, иако не се директна закана за здравјето или животот, се крајно непријатни. Задачата на малите куки со кои боцкаат медузите е да ја парализираат „жртвата“ со отров. Кај луѓето, контактот со оваа супстанца предизвикува реакција слична на изгореници - црвенило, оток и болка.
Користете го гореспоменатиот алкохол или јаболков оцет. Кога ќе го истурите на изгореница, ќе го запре ширењето на токсините и ќе ги ублажи непријатните симптоми. Исто така, добра идеја е веднаш да земете средство за ослободување од болка за да го олесните чекањето за прегед кај доктор што е можно повеќе. Она што не треба да го правите е да ја измиете изгореницата со морска вода. Исто така, важно е да се запамети дека урината не помага при убоди од медуза.
