Инфлуенсерката Николина Ковачевиќ чекала девет години на операција за промена на полот. Родена како маж по име Његош, со години се чувствувала и се однесувала како жена, сега конечно може да ужива во новиот „живот“ по операцијата.
"Сакам операција за полот откако се прифатив себеси. Тогаш имав можеби 10 години. Кога почнав да ја чекам операцијата имав 16 години. Сакам, бидејќи мислам дека не можам да живеам вака. Сите сме различн. Природата не е црна бела, туку сè околу нас е шаренолико и тоа е убавината на овој свет. Мене лично ми треба таа операција и ја сакам заради себе. Сакам да не морам да носам мидер, да можам нормално да облечам бикини, да можам да се пресоблечам пред моите пријателки и да не морам да се кријам и да се срамам. Да можам дури и да се опуштам со партнерот, бидејќи сето тоа ме блокираше“, изјавила Николина пред операцијата.
Оваа популарна инфлуенсерка сега ужива во своето тело, а своите фанови на социјалните мрежи секојдневно ги радува со нови фотографии. Нејзините објави од море привлекуваат големо внимание. Секако, има различни коментари, но најмногу оние кои ја поддржаа во ова нејзино патување.
„Подготовката за самата операција е многу важна. Прво, потребна ви е потврда од психијатар дека сте психички и физички подготвени за операција. Бев на хормони 3 години, а условот е да мора да одите на терапија најмалку една година за да се смени телото и да се сменат хормоните, со самото тоа сте подготвени за операција. Како и писмо препорака од психијатар. Најтешка ми бе ше хормонската терапија, затоа што првите шест месеци беше навистина тешко. Луѓето не можат да сфатат дека ние се менуваме и дека чувствуваме како и полот во кој сакаме да се смениме. Емотивната промена ми падна најтешко. Првите шест месеци плачев и се смеев во исто време“, рекла инфлуенсерката.