Во две домаќинства во западна Херцеговина се откриени првите
случаи на свинска чума, поради што се преземени мерки за спречување на ширењето
на оваа крајно заразна болест и големи загуби за производителите, <span lang="MK" style="mso-ansi-language:MK">пренесе <a href="https://slobodnadalmacija.hr/vijesti/regija/africka-svinjska-kuga-pojavila-se-u-susjednoj-hercegovini-ministarstvo-apelira-na-vlasnike-da-sprijece-zarazu-1405234?cx_linkref=sd_home_sd_ticker">Слободна Далмација</a>.</span>
Како што е соопштено од Сојузното Министерство за
земјоделство, анализата на примероците во лабораторијата на Факултетот за
ветеринарна медицина во Сараево открила инфекција со африканска свинска чума
кај три свињи од домашно одгледување во две домаќинства во округот Западна
Херцеговина. Сомнеж за болеста пријавиле од ветеринарната станица Пошушје.
По добивањето на наодите, животните се евтанизирани и
преземени се мерки за запирање на ширењето на инфекцијата од погоденото
подрачје. Мерките вклучуваат попис на сите свињи во радиус од три километри од
местото на заразата и забрана за транспорт и трговија со свињи.
– Апелираме до сопствениците на фармите да преземат мерки и
да го спречат ширењето на оваа крајно заразна болест кај свињите, која може
значително да предизвика загуби за земјоделските домаќинства кои се занимаваат
со свињарство – соопшти Министерството.
