Превртен шлепер вчера предизвика голем хаос на автопатот А3 во Хрватска. Како што потврдиле од полицијата, возачот на шлеперот е повреден во сообраќајна несреќа, а помош добил во пакрачката болница.
Поради сообраќајната несреќа се создале големи редици, а во нив заглавила и тамбурашката група Паори. Решиле да не се нервираат, па наместо тоа ги земале инструментите, излегле од возилото и свиреле. Тие објавија и видео од нивниот настап на Инстаграм.
За порталот 24 сата откриле дека тргнале да свират на венчавка од Пожега кон Кутина и заглавиле на автопатот, пренесува Јутарњи.
- Имаше голема гужва, па помисливме да смислиме беќарац и да пееме. Само што пристигнавме на крајот од свадбената веселба, бевме во гужвата многу долго време. Се плашевме да не успееме, но за среќа стигнавме на крајот - велат тие.
Ракометарите на Спачва кои се упатиле кон Карловац каде требало да одиграат натпревар случајно наишле на местото на несреќата. Кога камионот се превртел точно пред нив, момчињата веднаш му пришле на помош на повредениот возач и успешно го извлекле од камионот.
Клубот на својот Фејсбук-профил напиша дека некои играчи во желба да помогнат се здобиле со повреди на рацете од парчињата стакло.
- Натпреварот во Карловац, за жал, нема да се одигра денеска. Поради тешка сообраќајна несреќа, која самите за влакно ја избегнавме, не успеавме навреме да стигнеме до Карловац. На половина пат до Карловац, бевме сведоци на превртување на камион директно пред нас. Веднаш по несреќата нашите момци притрчаа да му помогнат на повредениот возач и со раце и нозе успеаја да го пробијат стаклото и да го извлечат возачот од камионот, а самите се здобија со повреди на рацете од фрагменти од стакло. Дополнително, на возачот му пруживме прва помош, но поради долгото чекање не стигнавме на време на натпреварот, напиша на социјалните мрежи ракометниот клуб Спачва Винковци.