Обвинителството на округот Брчко во Босна и Херцеговина поднесе обвинителен акт против М.С. која е обвинета дека и помагала на И.Р. да го киднапираат познаникот Д.М.
Според соопштението, се се случило ноќта меѓу 3 и 4 април околу полноќ во населбата Иличка кај Брчко.
„По претходен договор со И.Р. да и помоге и да создаде услови за противправно лишување од слобода на добро познатиот Д.М., дошла во неговиот стан лоциран во споменатата населба, при што била свесна дека нејзиното натамошно умислено и лажно постапување кон него ќе и помогне на И.Р. во реализација на криминалното дело, таа лажно го известила оштетениот Д.М дека нејзиниот сопруг е уапсен, и побарала од него да го напушти станот и да и помогне да му однесе дел од неговите работи, знаејќи дека со напуштање на станот, би овозможила лицата кои се во близина на нејзината зграда со И.Р., непречено ќе дојдат до него и ќе извршат кривично дело против него“, се наведува во обвинението.
Д.М. тоа веднаш пријателски го прифатил, излегол од станот и со неа тргнала кон нејзината зграда, до местото каде знаела дека веќе го чекаат во „аудиото“ на И.Р. и лицата кои во таа прилика дошле со неа и тоа: С.Т, А.Б. и И.Р., кои со капи на главите излегле од возилото, за да останат непрепознатливи.
„Потоа, по упатство на И.Р., почнале да го удираат со бејзбол палки, со раце и нозе по телото, на што сведочела и М.С., се до моментот кога откако го удриле, го ставиле во багажникот на автомобилот и го однеле кон Беговача, каде ќе продолжат да го удираат и да му се закануваат, притоа помагајќи им на овие лица во извршувањето на кривичното дело противправно лишување од слобода на Д.М.“, пишува во обвинението на Обвинителството на дистриктот Брчко.