Мајката на детето дала отпор и исто така се здобила со повреди за време на инцидентот. При обидот за киднапирање, повредено е и едно дете, како и двајца вработени во училиштето, потврдија од полицијата, објави СТА.
Целиот случај го пријавила мајката на детето.
„Во понеделникот, околу 13 часот и 30 минути, добивме пријава од жена дека нејзиниот поранешен партнер се обидел да го киднапира нивното заедничко дете од училиштето во областа Словенске Коњице, додавајќи дека осомничениот немал дозвола од суд да го види детето“, соопшти полицијата.
Како што истакнаа, мајката обидувајќи се да го спречи таткото да го земе детето, се повредила.
„Повредени се и двајца основци, кои исто така се обиделе да го спречат осомничениот да го земе детето. Тие се здобиле со полесни повреди. Во инцидентот е повредено и детето“, додаваат од полицијата.
Таткото на крајот не успеал да го одземе детето, бидејќи и тој пружал отпор.
„Истрагата е во тек, а осомничениот се товари за нанесување повреди и запуштање на малолетно лице. За поранешната сопруга и детето побаравме да се определи забрана за задржување, а за сѐ е известен Центарот за социјална работа“, соопштија од полицијата. .
Медиумите јавуваат дека таткото на осомничениот е стар познаник на полицијата, повеќепати осомничен за бројни кривични дела меѓу кои насилство и нарушување на јавниот ред и мир.
