Сакајќи да влезе во Гинисовата книга на рекорди како градител на најмалиот мобилен дом, 27-годишен Јутјубер од Западна Вирџинија во Америка изградил мал дом со сите карактеристики што ги има типична куќа.
Во таков затворен простор, повеќето работи се преместуваат и преклопуваат. Како што покажа во видеото на својот канал на Јутјуб, во оваа куќа можете да најдете клупа за седење и кревет за спиење, кујна со проточна вода, мијалник и шпорет, како и мал фрижидер.
Има и клима со функции за ладење и греење, како и пренослив тоалет и надворешен туш.
Надворешноста на куќата е направена од кедрово дрво, додека внатрешноста е направена од неколку различни видови дрво. Многу природна светлина продира во куќата бидејќи има дури четири прозорци.
Куќата е изградена на приколка за автомобил која веќе била во сопственост на Леви, а нејзината изградба чинела околу 5.000 американски долари, односно околу 4.600 евра.
Кабината не е изградена само за покажување - Леви Кели ќе ја користи за кампување со сопругата и нивните две деца.