Компанијата Мета одлучи да ја врати технологијата за препознавање лице во своите апликации. Оваа функција беше „исклучена“ пред повеќе од три години поради негативната реакција на јавноста, а сега Мета ќе почне да ја спроведува и за Facebook и Instagram.
Како што велат, целта е на овој начин да се бориме против измамите, но и да им помогнеме на корисниците кои го изгубиле пристапот до нивните профили. Првиот тест ќе користи препознавање на лица за откривање лажни реклами кои користат лица на познати и други јавни личности.
„Ако нашиот систем открие дека можеби станува збор за измама со јавна личност, ќе користиме технологија за препознавање лице за да го совпаднеме лицето во рекламата со профилните фотографии на таа јавна личност на Фејсбук и Инстаграм. Ако утврдиме совпаѓање и тоа огласот е измама, ќе го блокираме“, рече Мета.
Компанијата веќе ја овозможи функцијата за мал број јавни личности, па во наредните недели автоматски ќе ја вклучи и на глобално ниво. Сепак, поединците ќе имаат можност да се откажат од заштитата.
Мета веќе има одредени системи за проверка на рекламите за потенцијална измама, но не секогаш успева бидејќи многу легитимни компании користат јавни личности за да ги пласираат своите производи.
„Ова е процес во реално време, побрз и попрецизен од рачниот преглед“, рече Моника Бикерт, потпретседател за политика за содржина на Мета.
<b>Ќе се користи и за враќање на налозите</b>
Покрај тоа, Мета тестира и алатки за препознавање лица за да реши уште еден долгогодишен проблем на Facebook и Instagram, а тоа е заклучувањето на профилот.
Компанијата експериментира со опцијата „видео селфи“, која им овозможува на корисниците да прикачат видео од себе, по што Мета го споредува со нивните фотографии на профилот во случаи кога корисниците имаат проблеми со нивните заклучени сметки.
Компанијата исто така ќе ја користи алатката за да ги спречи хакерите да пристапуваат до профили користејќи украдени налози (јузер и пасворд).
Во двата случаи, Мета „веднаш ќе ги избрише“ податоците собрани со препознавање на лицето, што се користи за споредба. Исто така, скенирањата нема да се користат за други цели, а јавните личности ќе можат да изберат дали сакаат заштита од лажни реклами или не.