ОВА Е НАЈУБАВОТО СЕЛО ВО СВЕТОТ, изгледа како од БАЈКА и еве каде се наоѓа (ВИДЕО)

Доломитите - остри врвови, на прв поглед негостопримливи, кријат питоми села и градови, како и пасишта кои нема да ги најдете на никаде на друго место во светот. Таму е веројатно најубавото село на светот, Света Магдалена.

Овој крај на светот на патниците, планинарите и љубителите на природата им овозможува бескрајно задоволство и уживање. Доломитите, особено долината Вал ди Фунес, се познати по нивната навистина неверојатна природа, а овде сè е како разгледница.

Селото Санта Магдалена (Santa Maddalena) се наоѓа на надморска височина од околу 1.350 метри, опкружено со спектакуларни планини, пасишта и благи ливади, а неговата убавина е идентична во сите годишни времиња. Ова село го нарекуваат и најубавото село на светот, а јасно е и зошто.

Пролетта носи цветни ливади, додека зимата ја претвора селата во бајковит зимски пејзаж. Планините околу Света Магдалена се карактеризираат со уникатна светлина и бои, особено на изгрејсонце и зајдисонце, кога се појавува „алпенглот“ - феномен кога планинските врвови се осветлени со златно-црвена светлина.

Во мала област на самиот раб на долината Вал ди Фунес, на северо-источниот дел на земјата, живеат нешто повеќе од 400 жители и сите се некако поврзани со туризмот, што е разбирливо. Во сончевите периоди од годината, тука е најдобриот активен одмор и планинарење по ридовите и ливадите. Во зима секако скијање и уживање во зимски спортови.

Во селото се наоѓа истоимената црква, која стана симбол на селото, и најпрепознатливиот мотив на овој крај и бескрајните планински масиви, како мал човечки придонес за најубавиот природен колаж од бои и форми.

Покрај природните убавини, селото зрачи со културата и традицијата на Јужен Тирол. Овој регион се карактеризира со посебен спој на германски и италијански влијанија. Јазикот, кујната и обичаите ја одразуваат оваа културна разновидност. Традиционални селски куќи, т.н маси, изградени се од дрво и камен, често украсени со цветни прозорци и антички резби, што и дава дополнителен шарм на целата околина.

Во текот на целата година, Света Магдалена е домаќин на бројни фестивали кои ги слават локалните обичаи. Некои од нив се поврзани со жетвата и католичките празници. Локалните жители често носат традиционални носии, што на посетителите им дава единствена можност да ја запознаат богатата култура и начин на живот во планинските села во Јужен Тирол.

Селото претставува вистинска оаза на мирот, место каде природните убавини и културното наследство се спојуваат во совршена хармонија.

Без разлика дали доаѓате за планинарење, фотографирање или едноставно да уживате во тишината и свежиот воздух, Света Магдалена ќе ви овозможи незаборавно искуство. Ова село, со својата скромна големина, но грандиозна убавина, зазема посебно место на картата на Доломитите и во срцата на сите што го посетуваат.