Насловена „Тејлор Свифт, патека на песните“ (Taylor Swift, Songbook Trail), изложбата се состои од 13 инсталации распространети низ неколку музејски простории.
- Тоа е едно патешетвие низ музејот, изјави кустосот Кејт Бејли. - Ги следи поглавјата од кариерата на Тејлор Свифт, а ние ги нагласуваме периодите и во различни простории на музејот ги прикажуваме костимите што Тејлор ги носела, откри таа.
Меѓу изложените предмети се изработени каубојски чизми по нарачка што ги носи сега 14-кратната добитничка на Греми на почетокот на нејзината кариера, периката и брадата што ги носеше во спотот за „The Man“, репродукции на рачно нацртани скици за „Willow“ и златен микрофон со змиски мотиви што Свифт го користеше на турнејата „Reputation“ итн.
- Ова беше проект којшто се одвиваше навистина брзо. Сакав да бидам сигурна дека ќе може да изложиме костими, но и музички инструменти, и предмети што ја пренесуваат целата нејзина кариера и креативност, додаде Бејли.
- Ние првпат правиме изложба на ваков начин. И ова е првпат овие предмети да се најдат во Велика Британија. Значи, тоа е многу возбудливо и - бесплатно, истакна таа.
„Тејлор Свифт, патека на песните“ трае од 27 јуни до 8 септември. Според музејот, целата изложбена патека може да се пропешачи за 60 до 90 минути.
