Во објава на социјалните мрежи, Шварценегер рече дека не сака да дава поддршка, дека мрази политика и не им верува на политичарите.
Тој напиша дека во последно време не ги сака ниту Републиканската ниту Демократската партија и дека сака да се исклучи, но не може.
„Бидејќи непризнавањето на резултатите од изборите е неамериканско“, напиша Шварценегер, мислејќи на одбивањето на републиканскиот кандидат Доналд Трамп да ги признае изборите во 2020 година што ги загуби.
„За некој како мене, кој разговара со луѓе ширум светот и се уште знае дека Америка е светол град на ридот, да се нарече Америка канта за ѓубре за светот е толку непатриотско, што ме прави бесен. И јас секогаш ќе бидам Американец пред да бидам републиканец. Затоа оваа недела гласам за Камала Харис и Тим Валц“, напиша Шварценегер.
I don’t really do endorsements. I’m not shy about sharing my views, but I hate politics and don’t trust most politicians.
— Arnold (@Schwarzenegger) October 30, 2024
I also understand that people want to hear from me because I am not just a celebrity, I am a former Republican Governor.
My time as Governor taught me to…
Шварценегер минатата година рече дека не е возбуден поради реваншот меѓу Трамп и претседателот Џо Бајден, сугерирајќи дека нов кандидат би бил идеален.
„Отворен сум за некое ново место и некоја нова идеја“, рече Шварценегер во септември 2023 година.
