Пожарите продолжуваат да се шират низ западните канадски провинции Алберта и Британска Колумбија, зафаќајќи го туристичкиот град Џаспер додека пожарникарите се обидуваат да ги спасат клучните објекти како нафтоводот Транс Маунтин, соопштија денеска локалните власти.
Во вторникот од Џаспер биле евакуирани околу 25.000 луѓе, а во Британска Колумбија, според проценките, во моментов горат 433 пожари, додека во Алберта се регистрирани 176, пренесува Ројтерс.
„Пожарникарите работат на спасување што е можно повеќе структури и заштита на клучната инфраструктура, вклучително и станицата за третман на отпадни води, комуникациските објекти и цевководот Транс Маунтин“, се вели во објавата на Фејсбук на Паркс Канада.
Gridlock getting out of Jasper last night. My brother-in -law manages the hospital… they are still evacuating patients and shutting down the hospital. My sister is with him, cooking and caring for essential workers. Hopefully they can evacuate soon. pic.twitter.com/o7a9xCOJJL
— Lindsay Warner (@Lindsay_Warner) July 23, 2024
Нафтоводот, кој може да носи 890.000 барели нафта дневно од Едмонтон до Ванкувер, минува низ националниот парк во канадските Карпести планини во близина на живописниот туристички град.
Во своето последно дневно ажурирање, Националниот парк Џаспер објави дека не може да го пријави степенот на штетата на одредени локации или населби и дека дополнително ќе обезбеди нови информации.
Канадскиот премиер Џастин Трудо рече дека неговата влада го одобрила барањето на Алберта за федерална помош.
„Веднаш распоредуваме ресурси на канадските вооружени сили, поддршка за евакуација и повеќе ресурси за итни пожари во покраината - и ја координираме помошта за гаснење пожари и воздушен транспорт. Алберта, ние сме со вас“, рече тој.
A statement from @JasperNP on Facebook confirms first responders are being relocated to Hinton. #JasperWildfire pic.twitter.com/7TuGJeNPNX
— Travis McEwan (@TravisMcEwanCBC) July 24, 2024
Дел од градот Џаспер и истоимениот национален парк, кој годишно го посетуваат околу два милиони туристи, бил евакуиран во понеделникот вечерта кога во паркот преспале околу 15.000 луѓе.
Влошениот квалитет на воздухот ги принудил пожарникарите и другите без опрема да се евакуираат во градот Хинтон, на околу 100 километри, објави управата на паркот на Фејсбук во средата вечерта.
Претставниците на Парковите на Канада претходно изјавија дека очекуваат дожд да пристигне во текот на ноќта.