Многу улици се блокирани околу строгиот центар, а сега ова е драстично променето и заострено, па за да се дојде до самиот центар на градот и Трокадеро, каде што ќе се одржи последната парада на свеченото отворање, треба да се оди наоколу и да се бараат единствените слободни улици.
Дополнителен проблем за сите е тоа што денеска во Париз се голем број високи функционери и државници од целиот свет, па безбедносните мерки се уште посилни, а многу улици дополнително се блокирани.
Речиси цело време се слушаат полициски сирени и некој поминува под ротации.
Нема сомнеж дека сигурно ќе биде вака неколку часа додека не заврши свеченото отворање на Игрите.