КОЛКУ Е СРБИЈА ПРЕД НАС - Еве какви се платите, реално

Според податоците за мај за просечната плата во Србија надмина 100.000 динари.

Просечната бруто-плата во мај изнесува 138.332 динари, додека просечната нето плата 100.170 динари (856 евра), објави денеска Републичкиот завод за статистика.

Просечната нето заработка за мај изнесува 77.571 динари (662 евра), што значи дека 50 отсто од вработените примиле заработка до наведената сума.

Растот на бруто-платите во периодот јануари-мај 2024 година во однос на истиот период лани, номинално изнесува 15,3 отсто, односно реално 9,5 отсто, додека просечната нето-плата номинално е зголемена за 15,2 отсто, односно реално за 9,4 отсто.

Споредено со истиот месец од претходната година, просечната бруто-плата за мај 2024 година е номинално повисока за 16,3 отсто, а реално за 11,3 отсто, додека просечната нето-плата е номинално повисока за 16,2 отсто, односно реална за 11,2 отсто.

Министерот за финансии Синиша Мали вчера во Собранието на Србија изјави дека платите и пензиите се зголемуваат, па мајската плата надмина 100.000 и изнесува 100.170 динари или 885 евра.

Просечната месечна исплатена нето-плата по вработен во мај годинава во Македонија изнесува 41.252 денари (670 евра) и е за 13,1 отсто повисока отколку во мај 2023 година. Во Македонија изминативе години не се објавува средна плата, па така нема точен податок колку земаат барем 50% од вработените.