<b>ФИФА ја продолжува борбата против расизмот во фудбалот.</b>
Се воведуваат строги мерки за казнување на секоја расна дискриминација.
Имено, судиите ќе ја прекинат играта кога ќе забележат расистички извици или гестови од трибините, но и доколку играчите им се пожалат дека биле жртви на расизам.
На конгресот на ФИФА во Бангкок беше воспоставен гест кој играчите можат да го искористат за да му укажат на судијата дека доживеале расни навреди. Станува збор за вкрстени раце во „Х“.
<b>Прв чекор:</b>
Судијата ја прекинува играта - Ако сте доживеале навреди на расна основа, употребете го „антирасистички гест“ (прекрстени раце во „Х“) и судијата автоматски ќе ја прекине играта.
<b>Втор чекор:</b>
Судијата ги испраќа тимовите во соблекувалната - Доколку навредите продолжат по предупредувањето и играта продолжи, судијата го прекинува натпреварот по втор пат и ги испраќа тимовите во соблекувалната.
<b>Трет чекор:</b>
Судијата го прекинува натпреварот - Доколку навредите се повторат за време на паузата или по продолжението на натпреварот, натпреварот е трајно прекинат и ќе биде решен на „зелена маса“.