Непријатно изненадување за Динамо Загреб и несекојдневен потег на Баерн пред вечерашниот (21 ч.) натпревар од Лигата на шампионите, кој германскиот и хрватскиот шампион ќе го одиграат на „Алијанц Арена“. Домаќинот им забрани на гостите од Загреб за кого настапуваат македонските фудбалер, Стефан Ристовски и Аријан Адеми да тренираат ден пред натпреварот на стадионот во Минхен, каде што се игра натпреварот.
Објаснувањето на Баерн е дека теренот е во многу лоша состојба, растргнат и полн со дупки. Очигледно така е од ЕП, а тоа што Баерн оттогаш два пати го смени не помогна ситуацијата да се подобри. Новата трева не пушти корени поради претерано високите температури, а по нив почнаа и обилните дождови.
Затоа Динамо го одработи последниот тренинг пред отворањето на Лигата на шампионите во Загреб и потоа се упати во Минхен. Пристигнувајќи на тамошниот стадион, фудбалерите на Динамо можеа само да се шетаат низ теренот на стадионот на Баерн и да направат селфи и да забележат дека над тревникот има греалки.
